ԱՆՀԱՏԱԿԱՆ ՈՒՍՈՒՄՆԱԿԱՆ ՊԼԱՆ

Ուսումնական օրվա գրաֆիկ՝

09։30. Էլ. Հասցեի, սոցիալական կայքերի ստուգում, դպրոցի կայքերի նյութերի հետ ծանոթացում։

10:30. Դպրոցում անց կացվող նախագծերին կատարում (MSKH tourism, ես եմ շրջանավարտը, my reflections)

13:00. Ինքնակրթություն(ընթերցանություն, քանի որ այս պահին աշխատում եմ ավելի շատ կարդալ հայերեն, հիմա կարդում եմ Շիրվանզադեի <<Քաոս>> վեպը

16:00. Լրացուցիչ կրթության պարապմունքներ (կենսաբանություն, քիմիա)

20:00 Ինքնակրթություն (օտար լեզվի ուսուցում,ֆիլմերի և հեռուստասերիալների դիտում)

Իմ կարծիքով ֆիլմերը և հեռուստասերիալները լեզուն արագ և հետաքրքիր սովորելու ձև են,

Հետաքրքիր սերալներ որոնք կարելի է դիտել այս օրերին (անգլերեն լեզվով)`

Grey’s anatomy (կհետաքրքրի նրանց ովքեր ցանկանում են կյանքը կապել բժշկության հետ)

Elite(դետեկտիվ սերիալ է, որը պատմում է «Las Encinas» դպրոցում սովորող պատանիների կյանքի մասին)

Insatiable (կատակերգական սերիալ, մի աղջկա մասին, ով մի քանի ամսում  նիհարել է և հիմա վրեժ է լուծում նրանցից ովքեր իրեն ձեռք էին առնում գերության համար)

Այս երկու շաբաթների ընթացքում մասնակցելու եմ մի քանի նախագծերի

<<MSKH Tourism>>  նախագիծը մոտենում է իր ավարտին, այս շաբաթվա ընթացքում ավարտելու ենք մոնտաժային աշխատանքները և ներկայացնելու մեր երկու ամիսների գործունեությունը: Մանրամասն նախագծի մասին:

Քանի որ<<Ես եմ`շրջանավարտը>>նախագծի շրջանակներում արդեն ներկայացրել եմիմ աշխատանքը, հիմա օգնում եմ իմ ընկերներին որպեսզի նրանց մոտ էլ ստացվի հետաքրքիր և որակյալ աշխատանք (օնգություն մոտաժի, հարցերի մշակման, հոլովակի կոնցեպտի հարցում) : Արդյունքները՝ Դոնա Թովմասյան, Լիանա Վահանյան

<<Գենետիկա>> Այս նախագծի շրջանակներում քննարկելու ենք Գենետիկան որպես գիտություն, ուսուցողական տեսահոլովակների շնորհիվ բացատրվելու են հիմնական տերմինները, որպեսզի 9-րդ դասարանցիները ավելի հեշտ ընկալեն կենսաբանություն առարկան: (նախագիծը քննարկման շրջանում է)

<<Կրթահամալիրի հրաշալիքներն ըստ շրջանավարտի>>  (նախագիծը քննարկման շրջանում է)

 

 

ես եմ՝շրջանավարտը

Ողջույն, ես Գևորգն եմ: Ավագ դպրոցի 12-րդ դասարանում սովորող շրջանավարտներից մեկը: Հետ չմնալով իմ դասընկերներից ես նույնպես մասնակցեցի <<ես եմ`շրջանավարտը>> նախագծին: Առաջարկում եմ դիտել տեսահոլովակը, որտեղ հարցերի միջոցով ավելի մոտիկից կճանաչեք ինձ և իմ անցած ճանապարհը կրթահամալիրում:

Ավելորդ խուճա՞պ, թե՞ գրագետ պաշտպանություն

Տարին սկսելուն պես ի հայտ եկավ բոլորիս արդեն հայտնի Կորոնավիրուսը, որը հազարավոր զոհերի, վարակակիրների, համատարած խուճապի պատճառ դարձավ: Եվ վերջապես՝ երեք ամիս անց, գրանցվեց առաջին դեպքը Հայաստանում, ինչն, իհարկե, անխուսափելի էր՝ հաշվի առնելով, որ մեր բոլոր հարևան երկրներում վիրուսն արդեն տարածված էր: Ներկայիս պահին վարակվելու վտանգը երկրում այդքան էլ մեծ չէ, քանի որ վարակված մարդիկ գտնվում են փակ տարածքում, սակայն պաշտպանվելն ավելի քան անհրաժեշտ է: Իսկ ինչպե՞ս են Հայաստանում մարդիկ պաշտպանվում վիրուսից: Ահա մի փոքրիկ ռադիոնյութ, որտեղ մեր անցկացրած հարցման շրջանակներում մարդիկ պատմել են վիրուսից պաշտպանվելու՝ իրենց միջոցների մասին:

Վիրուսը մարդու կյանքում

Վերջին 3 շաբաթվա ընթացքում ամենաքննարկված թեմաներից է կորոնավիրուսը, որը Չինաստանից կարճ ժամանակահատվածում տարածվել է ամբողջ աշխարհով: Հիվանդների քանակը օրեցօր աճում է, կան մահացածներ: Այս նյութում առաջարկում եմ խոսենք

Վիրուսների մասին, ինչեր են դրանք, ինչպես են տարածվում

Ինչպես նվազեցնել հիվանդանալու հավանականությունը

Մինչև այսօր հանդիպած այլ վիրուսներ

 

Վիրուսները ոչ բջջային կառուցվածք ունեցող հարուցիչներ են, բազմանում են միայն կենդանի բջիջների ներսում։ Վիրուսները վարակում են կյանքի բոլոր բջջային ձևերը՝ կենդանիներ,բույսեր նաև բակտերիաներ։ Վիրուսները բաղկացած են երկու կամ երեք մասերից։ Բոլոր վիրուսներն 

ունեն գենետիկական նյութ՝ ԴՆԹ կամ ՌՆԹ (գենետիկական տեղեկատվությունը կրող մասնիկներ): Նաև վիրուսներն ունեն սպիտակուցե թաղանք, որը պաշտպանում է գեները այլ նյութերից: Վիրուսները տարածվում են բազմաթիվ ճանապարհներով: Բույսերի վիրուսները փոխանցվում են բույսից բուսահյութով սնվող միջատների միջոցով, կենդանական վիրուսները փոխանցվում են արնախում միջատների միջոցով (մոծակներ) ։ Այս եղանակով հիվանդությունը փոխանցող օրգանիզմներն անվանվում են վեկտորներ (փոխանցողներ)։ Գրիպի վիրուսները 

_1308-3293.jpg

տարածվում են օդակաթիլային եղանակով՝ հազի և փռշտոցի միջոցով։ Ռոտավիրուսները փոխանցվում են երեխաների հետ անմիջական շփման հետևանքով։ ՄԻԱՎ-ը սեռական ճանապարհով և վարակված արյան ներարկմամբ։

 

 

Ինչպես նվազեցնել հիվանդանալու հավանականությունը

Hygiene-21817.jpeg

Հաճախակի լվացեք ձեռքերը, հատկապես հիվանդ մարդկանց հետ շփումից և նրանց միջավայրում գտնվելուց հետո: Ձեռքերն օճառով և ջրով լվանալը կամ ալկոհոլային հիմքով քսուքներով շփելը ոչնչացնում է վիրուսը:

Պահպանեք շնչառական հիգիենան

Հազալիս կամ փռշտալիս ծածկեք բերանը, քիթը արմունկով 

b79cb1a10843edd4603c8c6cbe3feeff.gif

կամ անձեռոցիկով: Հազալիս կամ փռշտալիս բերանը և քիթը ծածկելը կանխում է մանրէների և վիրուսների տարածումը: Եթե փռշտում կամ հազում եք Ձեր ձեռքերի մեջ, կարող եք «աղտոտել» առարկաները կամ մարդկանց, որոնց դիպչում եք:

Խուսափեք աչքերին և բերանին դիպչելուց

Օրվա ընթացքում ձեռքերը դիպչում են բազմաթիվ մակերեսների, որոնք բազում են մանրէներով: Եթե <<աղտոտված>> ձեռքերով դիպչեք աչքերին կամ բերանին, կարող եք վիրուսը մակերեսից փոխանցել ներս:

 

Մինչև այսօր հանդիպած այլ վիրուսներ

Թռչնի գրիպ (2003 թ.)

Այս վիրուսի հարուցիչները (H5N1) հազվադեպ են վարակում մարդկանց: Սակայն 2003 թ. թռչունների հետ սերտ շփում ունեցող մարդկանց մոտ նկատվեցին վիրուսի հարուցիչները: Այդ թվականի փետրվարից մինչև 2008 թ.-ի փետրվար արձանագրվել է 361 հիվանդացել, որոնցից 227-ը մահացել են բուժման ընթացքում:

Էբոլա 2013-2016թթ.

Առաջին վարակվածները եղել են Գվինեայի բնակիչներ, որից հետո վարակը արագ տարածվել է 

AP_19199482493361.jpg

Նիգերիայում, Սինեգալում և այլ Աֆրիկական երկներում: Մահվան հավանականությունը կազմում է 25%-90% (միջինում 50%):: Էբոլան տարել է ավելի քան 11,3 հազար կյանք: Ընդորում դեռ չի հայտնաբերվել վակցինա, կամ բուժման միջոց

 

Խոզի գրիպ 2009 թ.

Առաջին անգամ արձանագրվել է ԱՄՆ-ում և Մեքսիկայում: Ըստ 2009 թ. հաշվարկների եղել է 255 716 վարակված և 2 627 զոհ աշխարհի տարբեր վայրերում: Ըստ տարբեր աղբյուրների վարակի առաջացումից մինչև 2019 թ. արձանագրվել է 18,5-500 հազար մահ: Այս պահին տվյալ վարակը տարել է ամենաշատ կյանքերը 21-րդ դարում: Սակայն ըստ Հարվարդի համալսարանի ուսանողների հետազոտությունների խոզի գրիպից մահանալու հավանականությունը կազմում է 0,007% , այն ավելի ցածր է քան <<սովորական>> գրիպից մահանալու հավանականությունը:

 

 

«Հետաքրքիր աշխարհը մեր շուրջ»

Պարզապես ճանապարհորդելը բավականին ձանձրալի է, բայց երբ այն նպատակ ունի, կրթում է և բավականություն պատճառում»,- Սարջենք Շրիվեր

Արդեն շուրջ մեկ տարի է ավագ դպրոցի սովորողների հետ իրագրոծում ենք «Հետաքրքիր աշխարհը մեր շուրջը» ճամփորդական նախագիծը: Մենք` սովորողներս, համատեղում ենք ճամփորդությունները և նկարահանումները, որի արդյունքում էլ ստացվում են 5-7 րոպեանոց հոլովակներ Հայաստանի տեսարժան վայրերի մասին: Տեսահոլովակի նկարահանման ժամանակ բարելավում է բանավոր խոսքը, զարգանում է օտար լեզվով  ճիշտ և գրագետ արտահայտվելու կարողությունը:Յուրաքանչյուր ճամփորդություն նախագծելիս դասավանդողները հաշվի են առնում կրթահամալիրի ուսումնական օրացույցը, կրթական փոխանակումների ծրագիրը, որպեսզի նոր, հետաքրքիր ծանոթություններ ձեռք բերենք տվյալ ճանապարհորդությունների շրջանակում։ Յուրաքանչյուր ճամփորդություն սկսվում է նախապատրաստական աշխատանքից. նախ՝ ուսումնասիրում ենք վայրերը, որտեղ պատրաստվում ենք անցկացնել մոտագա օրերը, տարբեր վայրերից տեղեկություններ ենք գտնում, թարգմանում հայերեն, անգլերեն, ապա դրանցից համատեղ ուժերով կազմում ենք տեսահոլովակի սցենարը և ամեն մեկը սկսում է պատրաստվել նկարահանումներին: Continue reading

2019 թ. լի էր հետաքրքրություններով: Այս տարի վերսկսեցի կարդալ հայ գրականությունը, ասեմ, որ սկզբում շատ դժվար էր հայերեն կարդալ, սակայն շուտով հասկացա, որ բարելավվում է բառապաշարս և գնալով ավելի հետաքրքրությամբ եմ կարդում: Այս տարի շատ եմ ճամփորդել: Ամեն անգամ մի մարզ գնալուց զարմանում եմ հայաստանի գեղեցկությամբ: Այս տարի երկրոդ անգամ եղա Սյունիքում`Կոռնիձորում: Կարոտել էի արդեն ինձ հարազատ դարձած գյուղը և նրա բնակիչներին: Քանի որ ցանկանում եմ ընդունվել ԵՊԲՀ ,այս տարի շարունակել եմ հետաքրքրվել քիմիայով և կենսաբանությամբ: Իմ կարծիքով ընտրել եմ ամենադժվար մասնագիտություններից մեկը, այդ պատճառով շատ պարտաճանաչությամբ եմ վերաբերվում դասերին: Նաև այս տարի զբաղվել իմ ինքնակրթությամբ: Միշտ սիրել եմ փոքր տեսանյութեր նկարել, մոնտաժել, ուստի որոշեցի գիտելիքներս նոր մակարդակի հասցնել և գրանցվեցի հատուկ դասընթացների:

2019-2020 Ամփոփում

Այս տարվա ամփոփումը գրելուց առաջ կարդացի անցած տարվա ամփոփումը: Այս տարվա նախագծերիս քանակը չեմ կարող համեմատել անցած տարվա հետ, քանի որ իրոք շատ պասիվ եմ եղել այս մի քանի ամիսների ընթացքում: Արդեն մեկ տարի է ակտիվ ճանապարհորդում եմ Հայաստանով: Ուսումնական տարին սկսեցի Արատեսում: Միշտ վերապահումով էի վերաբերվում այդ վայրին, սակայն անցկացրած երեք օրերի ընթացքում հասկացա, որ դա այն տեղն է, որտեղ անպայման վերադառնալու եմ

img_0002.png

Նշեմ նաև <<Հետաքրքիր աշխարհը մեր շուրջ>> նախագծի մասին, որի հերթական թողարկումը նկարեցինք Արատեսի դպրական կենտրոնում: Երկրորդ անգամ այցելեցի Կոռնիձոր, հանդիպեցի այնտեղի ընկերներիս, որոնց հետ անցած անգամվանից մինչ աժյմ գտնվում ենք կապի մեջ: Ցավոք, անցաց տարի չստացվեց մինչև վերջ հաղթահարել Իշխանասարի բարձրունքը, սակայն այս տարի վստահ կարող եմ ասել, որ Իշխանասարի բարձրունքը երկրորդ անգամից բարեհաջող հաղթահարվեց: Մի նոր բացահայտում էր Տավուշը:

 

Աշնանային արձակուրդը անցկացրեցի ԵՊՀի կենսաբանության ֆակուլտետում: Մասնակցել եմ «Microbes in everyday life» նախագծին: Չորս օրերի ընթացքում ծանոթացա տարբեր բակտերիաների, մանրէների և հակաբիոտիկների հետ: քանի որ միջոցառումը ոչ միայն տեսական էրայլ նաև պրակտիկ, առաջին անգամ աշխատեցի իրական լաբորատորիայում` հատուկ, մասնագիտացված գործիքներով:

img_9998.png

 

 

 

 

Հայոց լեզվի/Գրականության ամփոփիչ նյութ

My Term Review

ԱՄՓՈՓԻՉ ԱՇԽԱՏԱՆՔ ֊ ՄԱԹԵՄԱՏԻԿԱ